2023-nji ýylyň 14-15-nji dekabrynda Türkmenistanyň Saglygy goraýyş we derman senagaty ministrligi tarapyndan sanly ulgam arkaly gurnalan saglygy goraýyş boýunça XI Türkmen-german forumy geçirildi. Forumyň işine Germaniýa döwletiniň meşhur klinikalarynyň alymlary we lukmanlary, Myrat Garryýew adyndaky Türkmenistanyň Döwlet lukmançylyk uniwersitetiniň professor-mugallymlary, Aşgabat şäheriniň we welaýatlaryň saglygy goraýyş edaralarynyň ýolbaşçylary we hünärmenleri gatnaşdylar. Forumda saglygy goraýyş ulgamynyň wajyp meseleleri ara alnyp maslahatlaşylyp, ikitaraplaýyn hyzmatdaşlyk boýunça pikir alşyldy.