Myrat Garryýew adyndaky Türkmenistanyň Döwlet lukmançylyk uniwersitetiniň ilkinji zenanlar guramasynyň başlygy Ogulmaýsa Abdalowna Kakabaýewa
tel: (+99365) 55-29-98 e-mail: e-mail: tdlutm@tdlu.edu.tm
Salgysy: Тürkmenistan, ş. Aşgabat, Arçabil şaýoly 18, Baş bina, 3-nji gat, otag 1323
Myrat Garryýew adyndaky Türkmenistanyň Döwlet lukmançylyk uniwersitetiniň Ilkinji Zenanlar guramasy yokary okuw mekdebinde talyp gelin-gyzlaryň jemgyýetimizdäki ornuny pugalandyrmak, abraýyny artdyrmak, sagdyn durmuşyny guramak we olary watansöýüjilik ruhunda terbiýelemek, milli mirasymyza hormat goýmak, zähmete söýgi döretmek, millilik, maşgala mukaddesligi, arassa ahlaklylyk, jemgyýetde sagdyn-durmuş ýörelgelerini wagyz-nesihat etmek boýunça döwlet syýasatyny durmuşa geçiriji bolup, öz işlerini Türkmenistanyň Konsitusiýasyna, Türkmenistanyň kanunçylygyna, Türkmenistanyň Zenanlar birleşiginiň kärhanalardaky, guramalardaky we edaralardaky ilkinji guramalary hakyndaky düzgünnama laýyklykda alyp barýar.
Guramanyň esasy wezipeleri:
-talyp gelin-gyzlaryň jemgyýetiň we döwletiň işini dolandyrmaga işjeň gatnaşdyrmak;
-maşgalany pugtalandyrmaga, jemgyýetde zenanlaryň abraýyny artdyrmaga ýardam etmek;
-raýatlaryň sagdyn durmuşyny guramakda, şeýle hem maşgala we çagalara degişli meselelerde beýleki jemgyýetçilik guramalar bilen özara hyzmatdaşlyk etmek;
-zenanlara täze kärleri öwretmek maksady bilen olary okatmak we gaýtadan okatmak üçin bellenilen tertipde merkezleri we başga guramalary döretmek;
Gündogaryň beýik akyldary Magtymguly Pyragynyň: «Dünýä sözi meňzär duzsuz tagama, // Söz içinde gelin-gyz hem bolmasa» diýip belleýşi ýaly, jemgyýetimizde gelin-gyzlarymyza örän uly orun berlip, olar durmuşymyzyň esasy manysy hasaplanýar. Hakykatdan-da, geçmiş taryhymyzdan şu güne çenli biziň halkymyz gelin-gyzlara, ene-mamalarymyza uly hormat goýup gelýär. Şeýle-de, türkmen halky olary başlarynyň täjine deňeýär. Myrat Garryýew adyndaky Türkmenistanyň Döwlet lukmançylyk uniwersitetiniň Ilkinji Zenanlar guramasy 2023-2024-nji okuw ýylynda talyp gelin- gyzlarymyz bilen gyz edebi, görki, olaryň jemgyýetde tutýan orunlary hakda söhbet edilýän birnäçe gyzykly we täsirli duşuşyklary, çäreleri yzygiderli geçirýär. Muňa mysal edip, uniwersitetiň Ilkinji Zenanlar guramasynyň hem-de Türkmenistanyň Zenanlar birleşiginiň Merkezi Geňeşiniň işjeň agzalarynyň guramagynda «Arkadag Serdarly bagtyýar ýaşlar» ýylynda «Milli mirasym – ýol ýörelgäm» atly öwüt-nesihat duşuşygyny, Türkmenistanda gender deňligi boýunça 2021-2025-nji ýyllar üçin Hereketleriň milli Meýilnamasynda ileri tutulýan ugurlaryň durmuşa geçirilişi bilen tanyşdyrmak maksady bilen «Bitaraplyk mekany – zenan bagtynyň mertebe mukamy» atly wagyz-nesihat duşuşyklarynyňyň geçirilendigini belläp geçmek bolar. Bu duşuşyklarda milli mirasymyzyň bütin dünýäde dabaralanýandygy hakynda, onuň türkmen halkymyzyň aýdyň ýol ýörelgelerine öwrülendigi, milli el hünärlerimiziň gyz-gelinlerimiziň edep-terbiýesine edýän täsir edeişi barada hem-de Bitarap diýarymyzda Hormatly Prezidentimiziň ýolbaşçylygynda alnyp barylýan gender syýasatynyň many-mazmunyny düşündirmek boýunça ýurdumyzyň tanymal adamlary bilen söhbetdeşlikler gurnalýar.
Uniwersitetiň ilkinji zenanlar guramasynyň guramagynda hem-de Türkmenistanyň Zenanlar birleşiginiň Merkezi Geňeşiniň işjeň agzalarynyň gatnaşmagynda „Arkadag Serdarly bagtyýar ýaşlar“ ýylynda milli mirasymyzyň bütin dünýäde dabaralanýandygyny, türkmen halkymyzyň aýdyň ýol ýörelgelerine öwrülendigini, milli el hünärlerimiziň gyz-gelinlerimiziň edep-terbiýesine edýän täsirini wagyz etmek maksady bilen “Milli mirasym – ýol ýörelgäm“ atly öwüt-ündew duşuşygy geçirildi.
Bitarap diýarymyzda Hormatly Prezidentimiziň ýolbaşçylygynda alnyp barylýan gender syýasatynyň many-mazmunyny düşündirmek, Türkmenistanda gender deňligi boýunça 2021-2025-nji ýyllar üçin Hereketleriň milli Meýilnamasynda ileri tutulýan ugurlaryň durmuşa geçirilişi bilen tanyşdyrmak maksady bilen “Bitaraplyk mekany – zenan bagtynyň mertebe mukamy” atly wagyz-nesihat duşuşygy geçirildi.
11-nji fewral – Ylymda aýal-gyzlaryň halkara güni mynasybetli „Dermanlyk ösümliklerimiz – saglygymyz, mirasymyz“ atly uniwersitetiň YUNESKO kluby bilen bilelikde ýurdumyzyň ylym-bilim pudagynyň ösmegine saldamly goşant goşan zenan mugallymlaryň gatnaşmagynda tegelek stoluň başynda söhbetdeşlik geçirildi.
Türkmenistanyň Bilim ministrliginiň, Myrat Garryýew adyndaky Türkmenistanyň Döwlet lukmançylyk uniwersitetiniň bilelikde guramagynda Türkmenistanyň Içeri işler ministrliginiň wekilleriniň, hormatly ýaşuly eneleriň gatnaşmagynda „Pähim-paýhas ummany Magtymguly Pyragy“ ýylynda talyp gyz-gelinleri watansöýüjilik ruhunda terbiýelemek, milli mirasymyza hormat goýmak, zähmete söýgi döretmek, millilik, maşgala mukaddesligi, arassa ahlaklylyk, jemgyýetde sagdyn-durmuş ýörelgelerini wagyz-nesihat etmek maksady bilen „Gyz edebi – gyzyl gül“ atly öwüt-ündew maslahaty geçirildi.
Berkarar döwletiň täze eýýamynyň Galkynyşy döwründe amala aşyrylýan her bir tutumly başlangyçlarda Milli Liderimiz Gahryman Arkadagymyz tarapyndan başy başlanyp, Arkadagly Gahryman Serdarymyz tarapyndan mynasyp dowam etdirilýän halkymyzyň, aýratyn-da ýaş nesillerimiziň asuda, abadan, parahat durmuşda ýaşamagy baradaky belent maksatlar durýar. Hormatly Prezidentimiziň „Men ýurdumyzyň ýaşlarynyň ene-ata we il-ýurt öňündäki mukaddes borjuny berjaý edip, mynasyp adamlar bolup ýetişjekdiklerine, ata Watanymyzyň gülläp ösmegi ugrunda jan aýaman zähmet çekjekdiklerine pugta ynanýaryn“ diýen ajaýyp sözlerini belent wezipe edinip, Türkmenistanyň Magtymguly adyndaky Ýaşlar guramasynyň Merkezi Geňeşi, Türkmenistanyň Bilim ministrligi hem-de Türkmenistanyň Zenanlar birleşiginiň Merkezi Geňeşi bilelikde Halkara zenanlar güni mynasybetli Berkarar döwletiň täze eýýamynyň Galkynyşy döwrüniň talyp gyzlarynyň iş başarjaňlygyny, ugurtapyjylygyny, ruhubelentligini, buýsançlygyny, keşp hem-de edep gözelligini, halkymyzyň milli däp-dessurlaryny bilişini, durmuşa taýýarlygyny, medeniýetini, edep-ekramlylygyny açyp görkezmek maksady bilen, talyp gyzlarynyň arasynda „Talyp gözeli - 2024” atly gözellik bäsleşigini geçirildi.
“Halkara zenanlar güni” mynasybetli Hormatly Prezidentimiziň aýal-gyzlara pul sowgatlaryny gowşurylyş dabarasy we „Ene ömürleriň dowamy“ atly aýdym-sazly baýramçylyk çäresi geçirildi.
„Magtymguly Pyragynyň döredijiliginde zenanlaryň waspy“ atly talyp gyz-gelinleriň arasynda öwüt-ündew duşuşygy geçirildi.
„Pähim-paýhas ummany Magtymguly Pyragy“ ýyly mynasybetli Änew şäheriniň çäginde ýerleşýän Seýitjemaletdin ýadygärlikler toplumyna talyp ýaşlaryň baryp görmekleri „Milli Ak bugdaý“ muzeýine syýahatçylykly gezelençleri gurnaldy.
Türkmenistanyň Halk maslahaty, Türkmenistanyň Mejlisi, Türkmenistanyň Zenanlar birleşiginiň Merkezi Geňeşi, Türkmenistanyň Bilim ministrligi Berkarar döwletiň täze eýýamynyň Galkynyşy döwründe Arkadagly Gahryman Serdarymyzyň ”Her bir ýurduň bagtyýarlygy, abadançylygy ösüp gelýän ýaş nesil hakdaky aladalardan gözbaş alýar” diýen ajaýyp jümlesinden ugur alnyp, ýokary okuw mekdepleriniň, orta hünär okuw we orta bilim berýän mekdepleriniň talyplarynyň we okuwçylarynyň arasynda, sagdyn durmuş ýörelgeleri, zähmetsöýerlik, arassa ahlaklylyk ýaly häsiýetleri terbiýelemek, türkmen jemgyýetiniň binýady bolan maşgala mukaddesligini gorap saklamak we hormatlamak, maşgalalaryň abadan ýaşamagyna gönükdirilen ösüşleri, üstünlikleri, pederlerimizden miras galan milliligimizi, däp-dessurlarymyzy, edep-terbiýäni hem-de Türkmenistanda gender deňligi boýunça 2021-2025-nji ýyllar üçin Hereketleriň Milli Meýilnamasynyň çäklerinde zenanlarymyzyň, ýaşlarymyzyň, gender deňligi barada düşünjesini artdyrmak maksady bilen, “Ýaş maşgala jemgyýetimiziň kuwwatly güýjüdir” atly wagyz-nesihat maslahaty geçirildi.
„Pähim-paýhas ummany Magtymguly Pyragy“ ýylynda ene-mamalarymyzyň, ata-babalarymyzyň asylly ýörelgelerini mynasyp dowam etdirmek, ýaş nesilleriň hemmetaraplaýyn medeniýetli, salyhatly, edepli bolmaklaryny gazanmak, arassa ahlaklylyk, belent adamkärçilik ýörelgelerini wagyz etmek maksady bilen talyplaryň arasynda „Pederleriň paýhasy – nesillere ýörelge“ atly wagyz-nesihat çäresi geçirildi.
Berkarar Döwletiň täze eýýamynyň Galkynyşy döwründe, „Pähim-paýhas ummany Magtymguly Pyragy“ ýylynda 2024-nji ýylyň iýul aýynyň 4-ne Türkmenistanyň Zenanlar birleşiginiň Merkezi Geňeşi we ilkinji zenanlar guramasy bilen bilelikde guramagynda Hormatly Prezidentimiziň ýaşlara bildirýän beýik ynamyndan ugur alyp, türkmen halkymyzyň gözbaşyny müňýyllyklardan alyp gaýdýan we nesillerden nesillere geçirip gelýän maddy we ruhy gymmatlyklary, ene-mamalarymyzdan miras galan milliligimizi, belent ynsanperwerlikli ýörelgeleri, milli däp-dessurlary mynasyp dowam etdirmekligi, talyp gyzlaryň iş başarjaňlygyny, eli çeperligini, edep-ekramlylygyny açyp görkezmek we el-işleri wagyz etmek maksady bilen lukmançylyk uniwersitetiniň talyp gyzlarynyň arasynda ,,Täze eýýamynyň üme dessury” atly çäre geçirildi.
Türkmen halysynyň baýramy mynasybetli Türkmen halysynyň milli muzeýinde „Türkmen halysy – ynsan gözelliginiň nepis nusgasy“ atly tegelek stoluň başynda söhbetdeşlik geçirildi.
Aşgabat şäheriniň talyplar saglyk öýüniň lukmanlary bilen bilelikde bilim alýan talyp gyz-gelinleriň arasynda sagdyn durmuş ýörelgelerini wagyz etmek maksady bilen „Gyz gözelligi sandykda“ atly wagyz-nesihat duşuşygy geçirildi.
Berkarar Döwletiň täze eýýamynyň Galkynyşy döwründe, „Pähim-paýhas ummany Magtymguly Pyragy“ ýylynda Türkmenistanyň Zenanlar birleşiginiň Merkezi Geňeşi we ilkinji zenanlar guramasy bilen bilelikde guramagynda Hormatly Prezidentimiziň ýaşlara bildirýän beýik ynamyndan ugur alyp, türkmen halkymyzyň gözbaşyny müňýyllyklardan alyp gaýdýan we nesillerden nesillere geçirip gelýän maddy we ruhy gymmatlyklary, ene-mamalarymyzdan miras galan milliligimizi, belent ynsanperwerlikli ýörelgeleri, milli däp-dessurlary mynasyp dowam etdirmekligi, talyp gyzlaryň iş başarjaňlygyny, eli çeperligini, edep-ekramlylygyny açyp görkezmek we el-işleri wagyz etmek maksady bilen lukmançylyk uniwersitetiniň talyp gyzlarynyň arasynda ,,Täze eýýamynyň üme dessury” atly çäre geçirildi.
