2024-nji ýylyň 10-njy oktýabrynda Myrat Garryýew adyndaky Türkmenistanyň Döwlet lukmançylyk uniwersitetimiziň uly mejlisler zalynda Berkarar döwletiň täze eýýamynyň galkynyşy döwründe «Pähim-paýhas ummany Magtymguly Pyragy» ýylynda berkarar Watanymyzda ruhubelentlik bilen giňden hem-de dabaraly bellenip geçilen Türkmenistanyň saglygy goraýyş we derman senagaty işgärleriniň güni mynasybetli zähmetde tapawutlanan saglygy goraýyş işgärlerini sylaglamak dabarasy geçirildi. Dabara ýurdumyzyň saglygy goraýyş we derman senagaty pudaklaryna degişli edaralaryň, kärhanalaryň agzybir işgärleri, ýurdumyza iş sapary bilen gelen alym lukmanlar, uniwersitetimiziň pofessor-mugallymlary we talyp ýaşlary gatnaşdylar.