2024-nji ýylyň 31-nji oktýabry 2-nji noýabry aralygynda Myrat Garryýew adyndaky Türkmenistanyň Döwlet lukmançylyk uniwersitetiniň wekilleri Hytaý Halk Respublikasynyň Pekin şäherinde geçirilen Hytaýyň Halkara bilim boýunça ýyllyk masalahatyna we sergisine, hem-de onuň çäklerinde “Hytaý-Merkezi Aziýa saglygy goraýyş boýunça bilim hyzmatdaşlygynyň çuňlaşdyrylmagy” atly foruma öz çykyşlary bilen gatnaşdylar. Maslahata Merkezi Aziýa ýurtlary bolan Özbegistan, Gazagystan, Täjigistan, Gyrgyzystan ýaly döwletleriň wekilleri hem gatnaşdylar. Forumda Aziýa döwletlerinde halk lukmançylygyň, bilim we saglygy goraýyş ulgamynda emeli aňyň ulanylyşyna we ähmiýetlerine degişli meseleler ara alnyp maslahatlaşyldy.