Myrat Garryýew adyndaky Türkmenistanyň Döwlet lukmançylyk uniwersiteti Merkezi Beýik Britaniýada ýerleşýän “Times Higher Education (THE)” guramasynyň “2025 Times Higher Education World University Rankings (WUR)” atly Ýokary Okuw Mekdepleriniň 2025-nji ýyl boýunça dünýä reýtingine Habarçy (Reporter) hökmünde ýörite sanawa girizildi. Bu abraýly guramanyň dünýä reýtingine Habarçy hökmünde girmegimiz, uniwersitetimiz üçin täze gözýetimleri açýar, dünýädäki öňdebaryjy uniwersitetleriň baý tejribesini işjeň öwrenmäge, maglumat we pikir alyşmaga gatnaşmaga hem-de bilimiň we ylymyň halkara ugurlaryny göz öňünde tutup uniwersitetimiziň mundan beýläk-de ösmegine giň mümkinçilikleri berýär.

Şeýle hem, uniwersitetimizň professor-mugallymlary we talyp ýaşlary üçin bilimiň hilini ýokarlandyrmak hem-de ylmy gözlegleri güýçlendirmek üçin uly itergi bolup durýar. Bu dereje halkara taslamalaryna we hyzmatdaşlygyna has işjeň gatnaşmak üçin möhüm ädim boljakdygyna ynanýarys.