Myrat Garryýew adyndaky Türkmenistanyň Döwlet lukmançylyk uniwersitetinde 2023-nji “Arkadag Serdarly Bagtyýar ýaşlar ýylynyň” dowamynda alnyp barlan işleriň üstünlikli jemlenmegine bagyşlanan tegelek stol geçirildi.

Tegelek stolda “Arkadag Serdarly Bagtyýar ýaşlar ýylynda” ýurdumyzyň saglygy goraýyş ulgamynda gazanylan üstünlikler barada aýtmak bilen, lukmançylyk uniwersitetiniň talyplarynyň döwlet we halkara olimpiadalara işjeň gatnaşýandyklary hem-de baýrakly orunlara mynasyp bolandyklary, talyp ýaşlaryň gündelik durmuşy we talyplaryň arasynda çeper höwesjeňleriň bäsleşikleri barada, olaryň alyp barýan ylmy-barlag işleri hakynda giňişleýin durlup geçildi.