2024-nji ýylyň 20-30-njy iýuny aralygynda Myrat Garryýew adyndaky Türkmenistanyň Döwlet lukmançylyk uniwersitetiniň wekilleri Wengriýanyň Budapeşt şäherindäki Zemmelweýs uniwersitetine hünär kämilleşdiriş okuwlaryny geçmek maksady bilen iş saparyny amala aşyrdylar.  

Myrat Garyýew adyndaky Türkmenistanyň Döwlet lukmançylyk uniwersitetiniň wekilleri Wengriýa döwletiniň Zemmelweýs uniwersitetinde kardiologiýa, kardiohirguiýa we damar hirurgiýa ugurlar boýunça hünär bilimlerini we başarnyklaryny ýokarlandyrmak maksady bilen kämilleşdiriş okuwlaryny geçdiler.

Iş saparyň dowamynda Zemmelweýs uniwersitetiniň degişli klinikalarynda kardiologiýa, rentgenendowaskulýar hirurgiýa, ýürek we angiohirurgiýa bölümlerinde Ýürek işemiýa keselli näsaglaryň häzirki zaman anyklaýyş, inwaziw we inwaziw däl bejeriş usullary (TAVI operasiýasy, Balon angioplastikasy, Damar stentirlenmesi) özleşdirildi.

Şeýle-de, Zemmelweýs uniwersitetiniň ýolbaşçylary bilen iki uniwersitetiň gatnaşyklaryny has hem ösdürmek babatynda gürrüňdeşlik geçirildi.

Kämilleşdiriş okuwlary 10 gün dowam edip, özleşdirilen innowasion lukmançylyk maglumatlary talyplaryň okuw meýilnamasyna täsirli goşant bolup, alnyp barylýan näsaglary bejermekde uly ähmiýete eýe bolar. Iş sapary iki lukmançylyk uniwersitetiniň arasyndaky geljekdäki arabaglanşygyny has-da ýokary derejelere ýetirer.