2023-nji ýylyň 6-njy dekabrynda Myrat Garryýew adyndaky Türkmenistanyň Döwlet lukmançylyk uniwersitetiniň Stomatologiýa okuw-önümçilik merkeziniň mejlisler zalynda Türkmenistanyň Bitaraplygynyň şanly 28 ýyllyk baýramy mynasybetli “Türkmenistanda stomatologiýanyň innowasion ugurlary” atly ylmy-amaly maslahat geçirildi. Maslahatda stomatologiýanyň wajyp meseleleri, bu ugurda amala aşyrylan işler we gazanylan üstünlikler dogrusynda taýýarlanan çykyşlar uly gyzyklanma bilen diňlendi. Ylmy-amaly maslahat professor-mugallymlaryň we talyplaryň sorag-jogap alyşmagy bilen gyzykly we täsirli geçdi.