2024-nji ýylyň 2-nji noýabrynda Myrat Garryýew adyndaky Türkmenistanyň Döwlet lukmançylyk uniwersitetiniň talyplary Türkmenistanyň Döwlet medeniýet merkeziniň Döwlet muzeýine gezelenç etdiler. Gezelenjiň dowamynda talyplar muzeýiň merkezi binasynda ýerleşýän Garaşsyzlyk bölümine, türkmen halysyna bagyşlanan we “Pähim-paýhas ummany Magtymguly Pyragy” atly açylan bir ýyllyk wagtlaýyn sergi bölümlerine, şeýle hem Gadymy döwür taryhy, Marguş, Parfiýa we iki sany Orta asyrlaryň taryhyna degişli bölümlerine aýlanyp gördüler.