Объявления

Последние объявления

📅 31.03.2026

Türkmen döwlet bedenterbiýe we sport instituty tarapyndan sanly ulgam arkaly geçiriljek «Garaşsyz, baky Bitarap Türkmenistan – halkara sport hyzmatdaşlygynyň we sagdynlygyň mekany» atly halkara ylmy-amaly maslahatynyň ÇAKYLYK HATY

Gahryman Arkadagymyzyň, Arkadagly Gahryman Serdarymyzyň taýsyz tagallalary netijesinde ýurdumyzda dünýä ölçeglerine laýyk gelýän döwrebap sport düzümi döredildi. Ylmyň gazananlaryny we tehnologiýalary giňden ornaşdyrmak arkaly sport ulgamynyň işini kämilleşdirmek, sportuň ylmy-usulyýet binýadyny berkitmek bilen bagly uly özgertmeler amala aşyrylýar.Hormatly Prezidentimiziň dostlugyň we parahatçylygyň, sportuň hem-de ynsanperwerligiň belent ýörelgelerini rowaçlandyrýan, halklaryň agzybirligini we jebisligini alamatlandyrýan ajaýyp syýasatynyň netijesinde ýurdumyzyň halkara sport abraýy has-da artýar. Halkara giňişliginde dostlukly gatnaşyklaryň ilçisi bolan sport diplomatiýasy ýurdumyzyň daşary syýasatynyň ileri tutulýan ugurlarynyň biri hasaplanylýar.Türkmen döwlet bedenterbiýe we sport instituty 2026-njy ýylyň 3-nji aprelinde sanly ulgam arkaly geçiriljek «Garaşsyz, baky Bitarap Türkmenistan – halkara sport hyzmatdaşlygynyň we sagdynlygyň mekany» atly halkara ylmy-amaly maslahata gatnaşmaga çagyrýar. Bu maslahatyň bedenterbiýe we sportda özara bähbitli ylmy-amaly bilimleri we tejribäni öwrenmäge mümkinçilik döretjekdigine ynanýarys.Maslahata gatnaşmaga isleg bildirýänler çykyşlaryny 2026-njy ýylyň 19-njy martyna çenli şu aşakdaky elektron poçta ibermeli:tdbsischolar@gmail.comMaslahatyň iş dilleri: türkmen, iňlis we rus.Halkara ylmy-amaly maslahatyň tematiki ugurlary:- Bedenterbiýäniň we sportuň pedagogikasynda amaly tejribeler;- Sagdyn durmuş ýörelgelerini pugtalandyrmakda bedenterbiýäniň hem-de sportuň orny;- Sportda emeli aň we innowasion tehnologiýalar.Halkara ylmy-amaly maslahata gatnaşmak üçin tezisleri, annotasiýalary we çykyşlary Guramaçylyk toparyna ýollamaly (5-10 minutlyk çykyş, nutugyň gysgaça beýanynyň möçberi 1,5 sahypadan geçmeli däl, annotasiýalaryň möçberi 0,5 sahypa çenli bolmaly, şrifti — Times New Roman, ölçegi — 14 pt, setir arasy — 1).Tapawutlanan tezisleri çap etmek hukugy Guramaçylyk toparyna degişlidir.«Garaşsyz, baky Bitarap Türkmenistan – halkara sport hyzmatdaşlygynyň we sagdynlygyň mekany» atly halkara ylmy-amaly maslahatyň jemleri boýunça ylmy ýygyndy resmi neşir ediler we Google Scholar halkara indekslenýän ylmy çeşmesinde ýerleşdiriler.Maslahat bilen baglanyşykly goşmaça maglumatlar we bildirişler: Çakylyk hatyTürkmen döwlet bedenterbiýe we sport instituty

Подробно ›
📅 30.03.2026

Daşary ýurt ýokary okuw mekdepleriniň hem-de ýurdumyzyň ýokary okuw mekdepleriniň, ylmy institutlaryň professor-mugallymlarynyň, hünärmenleriniň gatnaşmagynda “Ylym-bilim XXI asyrda” atly onlaýn görnüşinde halkara ylmy maslahaty geçirilýär

I Umumy düzgünler           Bu düzgünnama ýokary okuw mekdepleriniň gatnaşmagynda geçirilýän ylmy maslahatyň maksadyny, wezipelerini, guramaçylyk tertibini hem-de onuň geçirilmeginiň umumy düzgünlerini kesgitleýär. Ylmy maslahat ýurdumyzyň hem-de daşary ýurtlaryň ýokary okuw mekdepleriniň gatnaşmagynda milli ýa-da halkara derejede guralýar we ylmy-barlag işleriniň netijelerini ara alyp maslahatlaşmaga, ylmy tejribe alyşmaga hem-de ýokary okuw mekdepleriniň arasynda ylmy hyzmatdaşlygy ösdürmäge gönükdirilýär. Maslahata ýokary okuw mekdepleriniň professor-mugallymlary, alymlary, ýaş alymlary, doktorantlary, aspirantlary we talyp ýaşlary gatnaşyp bilerler. Maslahatyň işi kesgitlenen tema we ugurlar boýunça alnyp barylýar, onuň iş dilleri düzgünnama laýyklykda türkmen, rus we iňlis dillerinde alnyp barylýar. Maslahata hödürlenýän çykyşlaryň gysgaça beýany bellenilen talaplara laýyklykda kabul edilýär, degişli tertipde seljerilýär we ara alnyp maslahatlaşylýar. Maslahatyň maglumat üpjünçiligi guramaçylyk topary tarapyndan amala aşyrylýar. Bu düzgünnama maslahatyň geçirilýän döwründe ýerine ýetirilmegi hökmany bolan esasy düzgünleri öz içine alýar.II  Ylmy maslahatyň maksadywe wezipeleri     Türkmenistanyň Bilim ministrliginiň we Seýitnazar Seýdi adyndaky Türkmen döwlet mugallymçylyk institutynyň Ylymlar gününe bagyşlap geçirýän “Ylym bilim XXI asyrda” atly halkara onlaýn ylmy maslahaty ýurdumyzyň ýokary okuw mekdepleriniň professor-mugallymlarynyň hem-de daşary ýurtlaryň ýokary okuw mekdepleriniň alymlarynyň alyp barýan ylmy işleriniň netijeleri bilen özara içgin tanyşmagy, şeýle-de ylmy-barlag işlerini alyp barmakda tejribe alyşmagy maksat edinýär. Maslahatyň işiniň dowamynda halkara derejesinde ýaş alymlaryň ylmy barlaglarynyň netijelerine baha bermek, ylmyň häzirki zaman ugurlary boýunça gazanylan açyşlar bilen tanyşmak, bilim bermegiň häzirki zaman tehnologiýalaryny işläp düzmekde gazanylan üstünlikleri öwrenmek hem-de alymlaryň arasynda halkara ylmy özara gatnaşygy berkitmek boýunça öňde goýlan wezipeleri çözmek maksat edinilýär. Maslahatyň esasy wezipeleri aşakdakylardan ybaratdyr:Ýokary okuw mekdepleriniň professor-mugallymlarynyň we ýaş alymlarynyň alyp barýan ylmy-barlag işleriniň netijelerini umumylaşdyrmak we halkara derejesinde ara alyp maslahatlaşmak.Ylmyň häzirki zaman ugurlary boýunça gazanylan täze açyşlar we ylmy netijeler bilen tanyşmak.Ýaş alymlaryň ylmy barlaglarynyň netijelerine hünärmenleriň tarapyndan baha bermek hem-de olaryň ylmy işjeňligini höweslendirmek.Bilim bermegiň häzirki zaman pedagogik we sanly tehnologiýalaryny işläp düzmekde gazanylan tejribeleri öwrenmek we ornaşdyrmak.Ylmy-barlag işlerini guramakda öňdebaryjy milli we halkara tejribeleri alyşmak.Alymlaryň, professor-mugallymlaryň we ýaş barlagçylaryň arasynda halkara ylmy hyzmatdaşlygy pugtalandyrmak.Ylmy netijeleriň amaly ähmiýetini ýokarlandyrmak we olary bilim ulgamyna ornaşdyrmagyň mümkinçiliklerini ara alyp maslahatlaşmak. III. Halkara onlaýn ylmy maslahatyň bölümleri: “Ylym we bilim XXI asyrda” atly halkara onlaýn ylmy maslahatynyň bölümleri:“Ylmyň häzirki zaman ugurlary we meseleleri” (Tebigy, Takyk we Ynsanperwer ylymlary). “Ýaş nesle bilim bermegiň döwrebap usullary” (Pedagogika, Psihologiýa we Okatmak usulyýeti) IV. Halkara onlaýn ylmy maslahatyň çykyşlarynyň gysgaça beýanyň ýazylyşyna umumy talaplar:Gysgaça beýan A4 ölçegli kagyzda 1 sahypa çenli bolmaly. Gysgaça beýan türkmen, rus we iňlis dilinde taýýarlanylmaly we ýazmaça hem-de elektron (DWD disk) görnüşde hödürlenilmeli. Rus we iňlis dilindäki beýanlar degişli kafedralaryň hünärmenleri tarapyndan tassyklanylmaly. Gysgaça beýan Times New Roman şriftinde taýýarlanylmaly, onda şular doly görkezilmelidir:awtoryňady we familiýasy (doly), sahypanyň merkezine düzülen 14 pt şrift;Çykyşyň ady - baş harplar bilen ýazylýar şrift 16 pt, goýy, sahypanyň merkezine düzülen bolmaly;Awtordaş 1-den artyk bolmaly däl;Gysgaça beýanyň esasy mazmuny 14 pt şrift bilen ýazylýar we sahypanyň inine deňleşdirilýär. Setir aralary 1,15 bolmaly.Sahypanyň gyralary: ýokarky we aşaky - 2,0 sm, çep - 2,5 sm, sag - 1,5 sm bolmaly;Peýdalanylan edebiýatyň sanawy görkezilmeýär. Gysgaça beýanyň ýany bilen gerekli resminamalar:Alymlardan berlen bir sany syn; Edaranyň ýolbaşçysynyň ugradyş haty;Ylmy maslahata gatnaşyjy barada maglumat.Çykyşyň gysgaça beýany kabul edilen soň düzedişler we goşmaçalar girizilip bilinmeýär.Guramaçylyk toparynyň çykyşlaryň gysgaça beýanlarynyň elektron ýygyndysyny çap etmek üçin saýlap almaga hukugy bardyr.Halkara onlaýn ylmy maslahat ZOOM platformasynda onlaýn görnüşde geçiriler.Kabul edilen resminamalar yzyna gaýtarylmaýar.Maslahata gatnaşyjy barada maglumaty we gysgaça beýany tdmugiylymbolum@gmail.com  elektron poçta (Goşundy 3) 2026-njy ýylyň 1-nji maýyna çenli ibermegiňizi haýyş edýäris. Salgymyz: Seýitnazar Seýdi adyndaky Türkmen döwlet mugallymçylyk instituty, 746100Türkmenabat ş., Şabende köç., 7.Habarlaşmak üçin telefonlar: Tel: (993, 422) 3 67 02 Email : tdmugiylymbolum@gmail.com    MASLAHATA GATNAŞYJY BARADA MAGLUMATÇykyşyň adyAwtor(lar)yň familiýasy, ady, atasynyň adyAlymlyk derejesi, alymlyk adyWezipesiBilim edarasynyň adyTelefonlar (şäher koduny goşmak bilen)E-mail poçtaBellikBellik: Maglumat. docx formatda goşulan we faýlyň ady “Maslahata F.A.A. .docx görnüşinde iberilmeliSeýitnazar Seýdi Adyndaky Türkmen Döwlet Mugallymçylyk Instituty

Подробно ›
📅 30.03.2026

Ýokary okuw mekdepleriň talyplarynyň arasynda «Maliýe hasabatlylygynyň halkara standartlary» dersi boýunça Açyk halkara internet olimpiadasy geçirilýär

DÜZGÜNNAMA Türkmenistanyň Prezidentiniň ýokary hünär bilim ulgamynda halkara hyzmatdaşlygy ýola goýmak hem-de ösdürmek baradaky tabşyryklaryny ýerine ýetirmek, talyplaryň ykdysadyýetiň dürli ugurlarynda nazary bilimlerini çuňlaşdyrmak we amaly başarnyklaryny kämilleşdirmek maksady bilen, ýokary okuw mekdepleriň talyplarynyň arasynda «Maliýe hasabatlylygynyň halkara standartlary» dersi boýunça Açyk halkara internet olimpiadasyny guramak we geçirmek boýunça şu Düzgünnama işlenip taýýarlanyldy. I. Umumy düzgünlerŞu Düzgünnama ýokary okuw mekdepleriň talyplarynyň arasynda «Maliýe hasabatlylygynyň halkara standartlary» dersi boýunça Açyk halkara internet olimpiadasyny guramagyň we geçirmegiň tertibini kesgitleýär.Açyk halkara internet olimpiadasynyň geçirilmegi «Maliýe hasabatlylygynyň halkara standartlary» dersine degişli meseleleri özbaşdak çözmegi başarýan zehinli talyp ýaşlary ýüze çykarmaga ýardam eder.Açyk halkara internet olimpiadasynyň maksady şu aşakdakylardan ybarat:«Maliýe hasabatlylygynyň halkara standartlary» dersi boýunça ýokary okuw mekdepleriniň talyplarynyň nazary bilimlerini çuňlaşdyrmak we amaly başarnyklaryny kämilleşdirmek;«Maliýe hasabatlylygynyň halkara standartlary» dersi boýunça talyplaryň pikirlenmelerini we dünýägaraýyşlaryny ösdürmek;ýokary okuw mekdepleriň professor-mugallymlarynyň we talyp ýaşlarynyň arasynda özara pikir alyşmalary guramak;amatly dolandyryş çözgütlerini kabul etmäge ukyply ýaş hünärmenleri taýýarlamak.Açyk halkara internet olimpiadasynyň wezipesi şu aşakdakylardan ybarat:sanly tehnologiýalary ulanmak arkaly «Maliýe hasabatlylygynyň halkara standartlary» dersine degişli meseleleri çözmeklige gyzyklanma döretmek;zehinli we ukyply ýaşlary ýüze çykarmak, olaryň intellektual taýdan ösüşi bilen bagly oňyn şertleri döretmek;sanly maglumat-kommunikasiýa tehnologiýalary arkaly ýokary okuw mekdepleriň arasynda özara gatnaşyklary alyp barmak.II. Açyk halkara internet olimpiadanyň guramaçylyk-usulyýet üpjünçiligiÝokary okuw mekdepleriň talyplarynyň arasynda «Maliýe hasabatlylygynyň halkara standartlary» dersi boýunça Açyk halkara internet olimpiadasyny guramak we geçirmek boýunça umumy ýolbaşçylygy amala aşyrmak üçin Guramaçylyk topary döredilýär. Guramaçylyk toparynyň düzümi Türkmen döwlet maliýe institutynyň rektorynyň buýrugy bilen tassyklanýar.Guramaçylyk topary:ýokary okuw mekdepleriň talyplarynyň arasynda «Maliýe hasabatlylygynyň halkara standartlary» dersi boýunça Açyk halkara internet olimpiadasyny geçirmegiň esasy ýörelgelerini kesgitleýär hem-de olimpiadany guramak we geçirmek boýunça guramaçylyk işlerini ýerine ýetirýär;Açyk halkara internet olimpiadany geçirmegiň tertibini we möhletini kesgitlemek boýunça teklipleri, usulyýet we gözükdiriji gollanmalary taýýarlaýar;Türkmenistanyň we daşary ýurtlaryň ýokary okuw mekdepleriniň wekilleri bilen Açyk halkara internet olimpiadanyň meselelerini işläp taýýarlamak boýunça zerur işleri alyp barýar.III. Açyk halkara internet olimpiadany guramagyň we geçirmegiň tertibiAçyk halkara internet olimpiada Türkmenistanyň we daşary ýurtlaryň ýokary okuw mekdepleriniň bilim maksatnamalary boýunça dürli taýýarlyk ugurlarda/hünärlerde okaýan talyplary gatnaşyp bilerler;Açyk halkara internet olimpiada her ýokary okuw mekdebinden 4-den (dörtden) köp bolmadyk talyp gatnaşyp biler.Açyk halkara internet olimpiadanyň resmi iş dilleri – türkmen, iňlis we rus dilleridir.Ýokary okuw mekdepleri Açyk halkara internet olimpiada gatnaşýan talyplar baradaky maglumatlary Türkmen döwlet maliýe institutynyň info@tdmai.edu.tm elektron poçtasyna 2026-njy ýylyň 9-njy noýabryna çenli ibermelidirler. Açyk halkara internet olimpiada 2026-njy ýylyň 16-njy noýabrynda Türkmen döwlet maliýe institutynyň resmi internet sahypasynda «Moodle» platformasy arkaly geçiriler. Başlanýan wagty sagat 12:00 (Aşgabat wagty). «Maliýe hasabatlylygynyň halkara standartlary» dersi boýunça geçiriljek Açyk halkara internet olimpiadada 10 (on) sany ýumuş hödürlener we olary çözmek üçin 120 (bir ýüz ýigrimi) minut wagt berler.Açyk halkara internet olimpiada gatnaşýan her bir talyp berilýän ýumuşlary özbaşdak ýerine ýetirmelidir. Açyk halkara internet olimpiadanyň geçýän wagtynda talyplara biri-biri bilen gepleşmäge, dürli neşir önümlerinden peýdalanmaga rugsat berilmeýär. Şu düzgünleri berjaý etmeýän talyplar olimpiada gatnaşýanlaryň hataryndan çykarylar.Açyk halkara internet olimpiadanyň Eminler toparynyň düzümine Türkmenistanyň we daşary ýurtlaryň ýokary okuw mekdepleriniň hem-de ylym-bilim edaralarynyň wekilleri girer. Eminler toparynyň düzümi we başlygy Türkmen döwlet maliýe institutynyň rektorynyň buýrugy bilen tassyklanýar.Eminler topary olimpiada gatnaşýan talyplaryň işlerini bahalandyrýar we netijelerini jemleýär.Arz-şikaýatlara Eminler topary tarapyndan seredilýär we ahyrky netijäni Eminler toparynyň başlygy kesgitleýär. Çykarylan gutarnykly netije üýtgedilmeýär.V. Açyk halkara internet olimpiadanyň ýeňijilerini kesgitlemegiň we sylaglamagyň tertibiAçyk halkara internet olimpiadanyň netijesi şahsy bäsleşikde toplanan ballaryň jemi boýunça kesgitlenýär.Açyk halkara internet olimpiadanyň netijeleri beýanlar arkaly resmileşdirilýär we Eminler toparynyň netijenamasy esasynda ýeňijileriň düzümi Türkmen döwlet maliýe institutynyň rektorynyň buýrugy bilen tassyklanylýar.Ýeňijileriň umumy sany gatnaşyjylaryň 50%-den geçmeli däldir. Diplomlar 1:2:3 gatnaşykda kesgitlenilýär.Açyk halkara internet olimpiadanyň ýeňijileri I, II we III derejeli Diplomlar bilen sylaglanylýar.Türkmen döwlet maliýe instituty

Подробно ›
📅 30.03.2026

Türkmen oba hojalyk instituty 2026-2027-nji okuw ýylynda ýokary okuw mekdebine okuwa girmäge isleg bildirýän ýaşlary 2026-njy ýylyň 11-nji aprelinde we 9-njy maýynda «AÇYK GAPYLAR» gününe çagyrýar

«Açyk gapylar» günlerinde ýaşlara ýokary okuw mekdebinde alnyp barylýan işler, şeýle hem hünärler we taýýarlyk ugurlary, okuw-usuly, ylmy-barlag, terbiýeçilik, medeni-köpçülik işleri hem-de okamak, ýaşamak, medeniýetli dynç almak, sport bilen meşgullanmak babatda döredilen şertler barada giňişleýin maglumat berler. «Açyk gapylar» günleri görkezilen salgylarda sagat 10:00-da başlanýar. Türkmen oba hojalyk instituty barada maglumatlar bilen www.tohi.edu.tm web-saýtyndan tanşyp bilersiňiz. Daşoguz welaýatynyň ýaşlary üçin — Türk­men oba ho­ja­lyk ins­ti­tu­tyn­da. Salgysy: Daşoguz ş., Ruhnama köçesiniň 94-nji jaýy. Telefonlary: 800322-9-33-92, 800322-9-40-68. Lebap welaýatynyň ýaşlary üçin — Türk­me­na­bat şä­he­rin­dä­ki ag­ro­se­na­gat orta hünär okuw mekdebinde. Salgysy: Türkmenabat ş., Zelili köçesiniň 1-nji A jaýy. Telefonlary: 800422-9-89-56, 800422-9-87-71, 800422-9-88-12. Mary welaýatynyň ýaşlary üçin — Baý­ra­ma­ly şä­he­rin­dä­ki ag­ro­se­na­gat orta hünär okuw mekdebinde. Salgysy: Baýramaly ş., Talyplar köçesiniň 1-nji jaýy. Telefonlary: 800564-6-38-19, 800564-6-07-84.Türkmen oba hojalyk instituty

Подробно ›
📅 30.03.2026

Türkmenistanyň Daşary işler ministrliginiň Halkara gatnaşyklary instituty 2026-2027-nji okuw ýylynda institutymyza okuwa girmäge isleg bildirýän ýaşlary 6-njy, 27-nji aprelde, şeýle-de 8-nji maýda geçiriljek «AÇYK GAPYLAR» gününe çagyrýar

«Açyk gapylar» gününde instituta gelen ýaşlar hormatly Prezidentimiz Arkadagly Gahryman Serdarymyzyň alyp barýan işjeň daşary syýasaty, Milli Liderimiziň ylym-bilim ulgamyny ösdürmek baradaky özgertmeleriniň durmuşa geçirilişi, institutda öwredilýän hünärler, institutyň durmuşy baradaky wideofilm, şeýle hem «Türkmen diplomatiýasynyň taryhy» muzeýi, okuw studiýasy, institutda hereket edýän Türkmenistanyň diplomatiýasynyň möhüm ugurlary boýunça okuw merkezi, Durnukly ösüş maksatlary boýunça ylmy-usulyýet merkezi hem-de «Diplomatik protokol» atly ýöriteleşdirilen okuw merkezi bilen tanşyp bilerler. «Açyk gapylar» günleri görkezilen salgylarda sagat 09:00-da başlaýar. Aşgabat, Arkadag şäherleriniň we Ahal welaýatynyň ýaşlary üçin — 6-njy, 27-nji ap­rel­de we 8-nji maýda Türkmenistanyň Daşary işler ministrliginiň Halkara gatnaşyklary institutynda. Salgysy: Aşgabat ş., Galkynyş köçesiniň 25-nji jaýy. Telefon belgisi: 26-61-13. Balkan welaýatynyň ýaşlary üçin — 6-njy, 27-nji aprelde «Türkmennebit» döwlet konserniniň Balkanabat nebitçilik orta hünär okuw mekdebinde. Salgysy: Balkanabat ş., Atamyrat Annanyýaz ogly köçesiniň 11-nji jaýy. Telefon belgisi: (+993 222) 3-12-20, 7-01-25, 7-01-26. Daşoguz welaýatynyň ýaşlary üçin — 6-njy, 27-nji ap­rel­de Türk­men oba ho­ja­lyk ins­ti­tu­tyn­da. Salgysy: Daşoguz ş., Ruhnama köçesiniň 94-nji jaýy. Telefon belgisi: (+993 322) 9-33-92, 9-40-68, 9-27-47. Lebap welaýatynyň ýaşlary üçin — 6-njy, 27-nji aprelde Seýitnazar Seýdi adyndaky Türkmen döwlet mugallymçylyk institutynda. Salgysy: Türkmenabat ş., Şabende köçesiniň 7-nji jaýy. Telefon belgisi: (+993 422) 3-25-50, 3-04-18. Mary welaýatynyň ýaşlary üçin — 6-njy, 27-nji ap­rel­de Türkmenistanyň Döwlet energetika institutynda. Salgysy: Mary ş., Baýram han köçesiniň 62-nji jaýy. Telefon belgisi: (+993 564) 5-75-02. Giňişleýin maglumat üçin institutyň web-saýty: www.iirmfa.edu.tmTürkmenistanyň Daşary işler ministrliginiň Halkara gatnaşyklary instituty

Подробно ›
📅 30.03.2026

Türk­men döw­let be­den­ter­bi­ýe we sport ins­ti­tu­ty 2026 — 2027-nji okuw ýy­lyn­da oku­wa gir­mä­ge is­leg bil­dir­ýän ýaş­la­ry ins­ti­tut bi­len ta­nyş­dyr­mak üçin «Açyk ga­py­lar» gü­nü­ni ge­çir­ýär

«Açyk ga­py­lar» gün­le­rin­de ýaş­la­ra Gah­ry­man Ar­ka­da­gy­my­zyň, Ar­ka­dag­ly Gah­ry­man Ser­da­ry­my­zyň Ber­ka­rar döw­letiň tä­ze eý­ýa­my­nyň Gal­ky­ny­şy döw­rün­de il-ýurt bäh­bit­li pa­ra­sat­ly ýö­rel­ge­le­ri­niň dur­mu­şa ge­çi­ri­li­şi, bi­lim hem-de sport ulga­myn­da ga­za­nyl­ýan üs­tün­lik­ler, ýe­til­ýän sep­git­ler, ins­ti­tu­ty­myz­da taý­ýar­la­nyl­ýan hünär­ler,sport we be­den­ter­bi­ýe bo­ýun­ça al­nyp ba­ryl­ýan okuw-ter­bi­ýe­çi­lik, yl­my-usu­ly­ýet, me­de­ni-köp­çü­lik iş­le­ri, ta­lyp­la­ryň ýa­şa­ýyş we dur­muş şert­le­ri ba­ra­da gi­ňiş­le­ýin gürrüň ber­ler. «Açyk ga­py­lar» gün­le­ri ins­ti­tut­da şu ýylyň 2-4-nji ap­re­li ara­ly­gyn­da her gün sa­gat 14:00-dan 18:00-a çen­li do­wam eder. Sal­gy­sy: Aş­ga­bat şä­he­ri­niň Sa­par­my­rat Türk­men­ba­şy şa­ýo­lu­nyň 40-njy ja­ýy. Ha­bar­laş­mak üçin te­le­fon bel­gi­le­ri: 22-64-02, 22-65-47. Elekt­ron sal­gy­sy: tdbsi@san­ly.tm Web saýt: http://www.tdbsi.edu.tmTürk­men döw­let be­den­ter­bi­ýe we sport ins­ti­tu­ty

Подробно ›
📅 30.03.2026

«AÇYK GAPYLAR» GÜNI

Türk­me­nis­ta­nyň Te­le­kom­mu­ni­ka­si­ýa­lar we in­for­ma­ti­ka ins­ti­tu­ty 2026 — 2027-nji okuw ýy­lyn­da oku­wa gir­mä­ge is­leg bil­dir­ýän or­ta mek­dep­le­riň gu­tar­dyş synp okuw­çy­la­ry­ny, har­by bö­lüm­le­riň es­ger­le­ri­ni, önüm­çi­lik­de zäh­met çek­ýän ýaş­la­ry şu ýy­lyň 16-njy ap­re­lin­de we 14-nji ma­ýyn­da sa­gat 15:00-da «Açyk ga­py­lar» gü­nü­ne ça­gyr­ýar. Şol gün­ler­de ýaş­lar ins­ti­tut­da we onuň ýa­nyn­da­ky «In­fo­kom­mu­ni­ka­si­ýa» hü­när-teh­ni­ki okuw mek­de­bin­de al­nyp ba­ryl­ýan okuw-usu­ly, yl­my-barlag, ter­bi­ýe­çi­lik, me­de­ni-köp­çü­lik iş­le­ri hem-de oka­mak, sport bi­len meş­gul­lan­mak, dynç al­mak üçin dö­re­di­len şert­ler bilen tanşyp bilerler. Şeý­le hem ins­ti­tut­da we onuň ýa­nyn­da­ky «In­fo­kom­mu­ni­ka­si­ýa» hü­när-teh­ni­ki okuw mek­de­bin­de taý­ýar­lan­ýan hü­när­ler, oka­mak is­le­ýän ýaş­la­ra bil­di­ril­ýän ta­lap­lar beýan edi­ler. Türk­me­nis­ta­nyň Te­le­kom­mu­ni­ka­si­ýa­lar we in­for­ma­ti­ka ins­ti­tu­ty­nyň sal­gy­sy: Aş­ga­bat şä­he­ri, Mag­tym­gu­ly şa­ýo­lu­nyň 68-nji ja­ýy. Ha­bar­laş­mak üçin te­le­fon bel­gi­si: 94-03-38.Türk­me­nis­ta­nyň Te­le­kom­mu­ni­ka­si­ýa­lar we in­for­ma­ti­ka ins­ti­tu­ty

Подробно ›
📅 30.03.2026

BILDIRIŞ

Aş­ga­bat şä­he­rin­dä­ki Sa­par­my­rat Türk­men­ba­şy adyn­da­ky ýö­ri­te­leşdi­ri­len umu­my­bi­lim ber­ýän mek­dep-in­ter­na­ty­na 2026 — 2027-nji okuw ýy­ly üçin Aş­ga­bat we Ar­ka­dag şä­her­le­rin­den hem-de we­la­ýat­lar­dan 2025 — 2026-njy okuw ýy­lyn­da or­ta mek­dep­le­riň 6-njy syn­py­ny ta­mamla­ýan ze­hin­li okuw­çy­lar ka­bul edil­ýär. Da­laş­gär okuw­çy­la­ryň 1 — 6-njy synp­lar­da­ky ba­ha­la­ry­nyň ag­la­ba­sy 5-lik ba­ha bol­ma­ly. Mek­dep-in­ter­na­ta oku­wa gir­mä­ge is­leg bil­dir­ýän ze­hin­li okuw­çy­la­ryň sa­na­wy we aşak­da­ky res­mi­na­ma­lar et­rap (şä­her) bi­lim bö­lü­mi­niň üs­ti bi­len de­giş­li we­la­ýat we Aş­ga­batşä­her Baş bi­lim mü­dir­lik­le­ri­ne 2026-njy ýy­lyň 11-nji ap­re­li­ne çen­li ibe­ril­ýär. Baş bi­lim mü­dir­lik­le­ri, Ar­ka­dag şä­he­ri­niň bi­lim mü­dir­li­gi bol­sa okuw­çy­la­ryň sa­na­wy­ny hem-de beý­le­ki mag­lu­matla­ry res­mi­leş­di­rip, Aş­ga­bat şä­he­rin­dä­ki Sa­par­my­rat Türk­men­ba­şy adynda­ky ýö­ri­te­leş­di­ri­len umu­my­bi­lim ber­ýän mek­dep-in­ter­na­ty­na iber­ýär. Ge­rek­li res­mi­na­ma­lar: — oka­ýan mek­de­bin­dä­ki şah­sy jil­ti­niň mek­dep mü­di­ri­niň mö­hü­ri bi­len tas­syk­la­ny­lan gö­çür­me­si; — mek­dep ta­ra­pyn­dan ber­len hö­dür­na­ma; — dog­luş ha­kyn­da­ky şa­ha­dat­na­ma­sy­nyň gö­çür­me­si; — ýa­şa­ýan ýe­rin­den ke­pil­na­ma; — ata-ene­si­niň iş­le­ýän ýe­rin­den ke­pil­na­ma; — sag­lyk ýag­da­ýy ha­kyn­da kes­git­le­nen nus­ga­da­ky ke­pil­na­ma (086-H bel­gi­li ke­pil­na­ma); — 3x4 öl­çeg­dä­ki 2 sa­ny su­rat. Mek­dep-in­ter­na­ta oku­wa gir­mä­ge is­leg bil­di­ren ze­hin­li okuw­çy­lar bilen türk­men di­lin­den dik­tant, ma­te­ma­ti­ka hem-de ta­ryh ders­le­ri­niň her bi­rin­den 3 so­rag­dan yba­rat bo­lan so­rag­na­ma ýaz­ma­ça jo­gap ber­mek ar­ka­ly sy­nag­lar ge­çi­ri­ler. Sy­nag­la­ryň möh­le­ti: Aş­ga­bat, Ar­ka­dag şä­her­le­ri — ap­rel aýy­nyň 13-14-i (Aş­ga­bat şä­he­ri). Ahal we­la­ýa­ty — ap­rel aýy­nyň 15-16-sy (Aş­ga­bat şä­he­ri). Le­bap we­la­ýa­ty — ap­rel aýy­nyň 17-18-i (Türk­me­na­bat şä­he­ri). Ma­ry we­la­ýa­ty — ap­rel aýy­nyň 20-21-i (Ma­ry şä­he­ri). Da­şo­guz we­la­ýa­ty — ap­rel aýy­nyň 23-24-i (Da­şo­guz şä­he­ri). Bal­kan we­la­ýa­ty — ap­rel aýy­nyň 27-28-i (Bal­ka­na­bat şä­he­ri).Türkmenistanyň Bilim ministrligi

Подробно ›
📅 01.03.2026

ПОЛОЖЕНИЕ

Об организации и проведении открытой интернет-олимпиады среди студентов высших учебных заведений по дисциплине «Экология и охрана окружающей среды»   Настоящее Положение разработано в целях реализации планов по внедрению Концепций развития цифровой системы образования в Туркменистане, совершенствования преподавания дисциплин естественно-научного и точного направлений, внедрения инноваций в систему образования, а также осуществления независимого мониторинга качества образования посредством проведения открытой интернет-олимпиады по дисциплине «Экология и охрана окружающей среды».   Общие положения Настоящее Положение является нормативным документом, регулирующим организацию и проведение открытой интернет-олимпиады по учебным дисциплинам среди студентов высших учебных заведений. Расширение возможностей использования цифровых информационно-коммуникационных технологий способствует массовому участию одарённых студентов в предметных и проектных конкурсах. Проведение подобных конкурсов способствует выявлению талантливой студенческой молодёжи, способной проводить научные исследования с использованием инновационных технологий, а также самостоятельно решать сложные научные задачи.   Основная цель интернет-олимпиады Укрепление дружественных отношений между студентами высших учебных заведений и обмен взаимовыгодной научной информацией; Организация совместного научного обсуждения между профессорско-преподавательским составом и студентами участвующих вузов; Развитие у студентов навыков самостоятельного мышления и работы, а также умения решать научные задачи; Стимулирование углублённого изучения дисциплин естественно-научного и точного направлений и применения полученных теоретических знаний на практике.   Задачи интернет-олимпиады Формирование интереса к решению практических задач с использованием современных цифровых информационно-коммуникационных технологий; Активизация взаимодействия между высшими учебными заведениями посредством цифровых информационно-коммуникационных технологий; Выявление талантливой и одарённой молодёжи и создание благоприятных условий для их дальнейшего интеллектуального развития и профессионального самоопределения; Выявление способности студентов быстро и правильно мыслить по дисциплине «Экология и охрана окружающей среды».   Организационно-методическое обеспечение интернет-олимпиады Для общего руководства организацией и проведением интернет-олимпиады создаётся организационный комитет. Состав организационного комитета утверждается приказом ректора Государственного медицинского университета Туркменистана имени Мырата Гаррыева.   Организационный комитет: Определяет основные принципы проведения интернет-олимпиады и осуществляет организационные мероприятия по её проведению; Разрабатывает предложения по порядку и срокам проведения интернет-олимпиады; Совместно с представителями участвующих высших учебных заведений проводит работу по подготовке олимпиадных заданий; Рассматривает обращения участников интернет-олимпиады, а также проводит разъяснительную работу по жалобам и заявлениям.   Порядок организации и проведения открытой интернет-олимпиады Открытая интернет-олимпиада по дисциплине «Экология и охрана окружающей среды» проводится в форме тестирования (в онлайн-режиме). Разделы дисциплины определяются в соответствии с требованиями Государственного образовательного стандарта высшего образования Туркменистана. В открытой интернет-олимпиаде могут принимать участие студенты всех высших учебных заведений Туркменистана независимо от их ведомственной принадлежности и организационно-правовой формы. Рабочий язык интернет-олимпиады — туркменский. К участию в олимпиаде приглашаются четыре студента от каждого вуза, показавшие лучшие результаты по данной дисциплине (3 основных участника и 1 резервный). По дисциплине будет предложено 50 тестовых вопросов, на выполнение которых отводится 90 минут. Состав жюри открытой интернет-олимпиады утверждается ректором Государственного медицинского университета Туркменистана имени Мырата Гаррыева. Участники интернет-олимпиады имеют право подать апелляцию через руководителя команды. Апелляции рассматриваются жюри, а окончательное решение принимается председателем жюри (решение является окончательным и не подлежит пересмотру).   Порядок определения и награждения победителей Индивидуальные места участников финального этапа интернет-олимпиады определяются жюри на основании общего количества набранных баллов. Итоги интернет-олимпиады оформляются протоколом и утверждаются приказом ректора Государственного медицинского университета Туркменистана имени Мырата Гаррыева. Победители олимпиады награждаются дипломами I, II и III степени. Общее количество победителей не должно превышать 50% от числа участников.

Подробно ›
📅 01.12.2025

Bäsleşik yglan edilýän boş pedagogik iş orunlarynynyň sanawy

BILDIRIŞ Myrat Garryýew adyndaky Türkmenistanyň Döwlet lukmançylyk uniwersiteti 2025-2026-njy okuw ýylyna boş pedagogik işgärleriniň wezipelerine saýlamak boýunça bäsleşik yglan edýär. Boş iş orunlaryna bäsleşik 2026-nji ýylyň 4-nji fewralynda Myrat Garryýew adyndaky Türkmenistanyň Döwlet lukmançylyk uniwersitetiniň baş binasynyň 2-nji gatynda ýerleşýän kiçi mejlisler otagynda geçiriljek. Bäsleşige gatnaşmak üçin arzalar 2025-nji ýylyň 15-nji dekabryna çenli ýokary okuw mekdebiniň Işgärler bölümine tabşyrylmaly. Tabşyrylmaly resminamalar: 1. Arzasy. 2. Dalaşgäriň maglumatnamasy (Türkmenistanyň Bilim ministrligi tarapyndan kesgitlenen nusga boýunça). 3. Hünär derejesi babatda (kwalifikasion) talaplara laýyk gelýändigini tassyklaýan resminamalaryň nusgalary. 4. Kanunçylyk namalarynda we beýleki kadalaşdyryjy hukuk namalarynda göz öňüne tutulan bilim ulgamynda zähmet çekmegine çäklendirmeleriň ýoklugyny tassyklaýan resminamalar.   Bäsleşik yglan edilýän boş pedagogik iş orunlarynynyň sanawy     Salgy: Aşgabat şäheri, Arçabil şaýoly, 18 Tel.: 48-99-57                                                                                           Işgärler bölümi

Подробно ›
📅 20.08.2025

Bäsleşik yglan edilýän boş pedagogik iş orunlarynynyň sanawy

BILDIRIŞ Myrat Garryýew adyndaky Türkmenistanyň Döwlet lukmançylyk uniwersiteti 2025-2026-njy okuw ýylyna boş pedagogik işgärleriniň wezipelerine saýlamak boýunça bäsleşik yglan edýär. Boş iş orunlaryna bäsleşik 2025-nji ýylyň 15-nji oktýabrynda Myrat Garryýew adyndaky Türkmenistanyň Döwlet lukmançylyk uniwersitetiniň baş binasynyň 2-nji gatynda ýerleşýän kiçi mejlisler otagynda geçiriljek. Bäsleşige gatnaşmak üçin arzalar 2025-nji ýylyň 15-nji sentýabryna çenli ýokary okuw mekdebiniň Işgärler bölümine tabşyrylmaly.   Tabşyrylmaly resminamalar: 1. Arzasy. 2. Dalaşgäriň maglumatnamasy (Türkmenistanyň Bilim ministrligi tarapyndan kesgitlenen nusga boýunça). 3. Hünär derejesi babatda (kwalifikasion) talaplara laýyk gelýändigini tassyklaýan resminamalaryň nusgalary. 4. Kanunçylyk namalarynda we beýleki kadalaşdyryjy hukuk namalarynda göz öňüne tutulan bilim ulgamynda zähmet çekmegine çäklendirmeleriň ýoklugyny tassyklaýan resminamalar. Salgy: Aşgabat şäheri, Arçabil şaýoly, 18 Tel.: 48-99-57                                                                                                                                                                      Işgärler bölümi 

Подробно ›
📅 12.07.2025

DALAŞGÄR 2025

https://education.gov.tm/announcement-details/myrat-garryyew-adyndaky-turkmenistanyn-dowlet-lukmancylyk-uniwersiteti-jF1bNL

Подробно ›
style="bottom: 97px; position: absolute; left: 0; right: 0; z-index: 1000; background: rgba(255, 255, 255, .97); backdrop-filter: blur(24px); border-bottom: 1px solid rgba(13, 124, 124, .08); transition: box-shadow .4s;">